Xa pasou todo o ano, e chegou de novo o fabuloso Nadal: vacacións, agasallos... É dicir, unha marabilla. Pero o mellor do Nadal é, sen dúbida algunha, a cara de ledicia que poñemos ao ver o que se agocha debaixo do papel tintado o día seis dea xaneiro, pola mañá ben cedo!
Eu este ano a verdade e que me desilusionei un pouco co meu agasallo, xa que era un traxe de baño e, obviamente, non era o que quería. Ao principio pensei que era unha trola das verdadeiras, pero logo, ao non ver ningún outro paquete máis, debaixo da árbore, dinme de conta de que era o meu único premio por portarme ben. Pero aínda así, fun educada e boa nena, finxín un sorriso e dixen que me encantaba. Rabia que a miña nai me coñeza tan ben e con só mirarme, supera que non era do meu agrado, por iso, o día seguinte fun con ela á tenda de deportes onde atopei un chándal moi bonito, e decidín trocalo polo bañador. E así, co meu novo conxunto deportivo, rematou a miña pequena historia que trataba de un traxe de baño que me regalaron os meus magos favoritos, aínda que espero que para o ano, elixan mellor o meu agasallo.
8 comentários:
O vocabulario do comezo é excelente e continúa sobre todo no final,un texto,en conxunto,moi bo :)
Ten un moi bo vocabulario e gustame bastante a historia :)
Hai que dicir que o texto posúe un rico vocabulario. Por outra parte, resaltar a exquisita educación da cativa, xa que ante o desagrado non mostrou un comportamento inadecuado, como adoita ser habitual entre nenos
Este texto ten un gran vocabulario cunha historia moi bonita.
Texto cun gran vocabulario aínda que noto a ausencia de algùn paràgrafo màis.
Gustoume o relato, ben estructurado, non se repiten palabras, puntuación correcta...
Paréceme que está moi ben estucturado e é moi facil de ler
Paréceme un texto cun amplo vocabulario e fácil de ler.
Enviar um comentário